ავსტრალიის ვიცე-პრემიერისა და თავდაცვის მინისტრის, რიჩარდ მარლსის განაცხადებით, ავსტრალიამ ხელი მოაწერა თანამშრომლობის შეთანხმებას აშშ-სა და დიდ ბრიტანეთთან ატომური წყალქვეშა ნავების შესახებ, რომელიც საშუალებას მისცემს სამ ქვეყანას, გაცვალონ ბირთვული დაკავშირებული მასალა და ინფორმაცია.
აღნიშნულ შეთანხმებას ოფიციალური ჩინეთი პასუხობს და აცხადებს, რომ მსგავსი შეთანხმება ამძაფრებს შეიარაღებულ ბრძოლას და ძირს უთხრის ბირთვული იარაღის გაუვრცელებლობის საერთაშორისო რეჟიმს.
„ატომური წყალქვეშა ნავების შესახებ თანამშრომლობა ზიანს აყენებს რეგიონში მშვიდობისა და უსაფრთხოების შენარჩუნებას. შეერთებულმა შტატებმა, დიდმა ბრიტანეთმა და ავსტრალიამ შექმნეს AUKUS (სამმხრივი უსაფრთხოების პარტნიორობა ავსტრალიას, გაერთიანებულ სამეფოს და შეერთებულ შტატებს შორის, რომელიც მიზნად ისახავს „თავისუფალ და ღია ინდო-წყნარი ოკეანის ხელშეწყობას) ბირთვული ენერგიის წყალქვეშა ნავების და სხვა უახლესი სამხედრო ტექნოლოგიების საკითხებში თანამშრომლობის გასაუმჯობესებლად. მათი ნაბიჯები ამძაფრებს შეიარაღების რბოლას, ძირს უთხრის ბირთვული იარაღის გაუვრცელებლობის საერთაშორისო რეჟიმს, აღძრავს ბლოკის პოლიტიკასა და სამხედრო კონფრონტაციას და ზიანს აყენებს რეგიონულ მშვიდობასა და სტაბილურობას. ჩინეთმა და რეგიონის შესაბამისმა ქვეყნებმა არაერთხელ გამოხატეს სერიოზული შეშფოთება და მტკიცე წინააღმდეგობა აღნიშნულთან დაკავშირებით“ – განმარტავენ ჩინეთის საგარეო უწყებაში.
ოფიციალური ჩინეთი აღნიშნულთან დაკავშირებით საერთაშორისო საზოგადოებას მიმართავს.
„AUKUS ატომური წყალქვეშა ნავების თანამშრომლობა ეწინააღმდეგება ბირთვული იარაღის გაუვრცელებლობის შესახებ ხელშეკრულების ობიექტს და მიზანს. თანამშრომლობა გულისხმობს ატომური ენერგიის წყალქვეშა რეაქტორების და დიდი რაოდენობით შეიარაღების მაღალი ხარისხის გამდიდრებული ურანის გადაცემას ატომური იარაღის მქონე ქვეყნებიდან არაბირთვულ სახელმწიფოში, რაც წარმოადგენს ბირთვული იარაღის გავრცელების სერიოზულ რისკს.
IAEA-ს არსებული უსაფრთხოების სისტემა ვერ აყენებს ეფექტურ გარანტიებს და დიდი წინააღმდეგობები არსებობს შესაბამისი უსაფრთხოების დებულებების ინტერპრეტაციასა და გამოყენებასთან დაკავშირებით.
ჩინეთი მოუწოდებს საერთაშორისო საზოგადოებას სერიოზულად მოეკიდოს AUKUS-ის ატომურ წყალქვეშა ნავებზე თანამშრომლობას.
სანამ საერთაშორისო საზოგადოება არ მიაღწევს კონსენსუსს უსაფრთხოებისა და სხვა საკითხებზე, აშშ-მა, დიდმა ბრიტანეთმა და ავსტრალიამ არ უნდა გააგრძელონ ბირთვული ენერგიის წყალქვეშა ნავებზე თანამშრომლობა“ – აცხადებენ საგარეო უწყებაში.
